អគ្គិសនីស្ថិតិ (Electrostatic Electricity)

អត់ដឹងថាគេបកប្រែជាភាសាខ្មែរយ៉ាងម៉េចទេ។ អញ្ចឹងយកពាក្យគេមកប្រើសិនក៏បានដែរឲ្យតែយើងយល់ថាវាជាអ្វីទៅបានហើយ។
Electrostatic Electricity គឺជាថាមពល(ចរន្ត)អគ្គិសនីដែលមានក្នុង បរិយាកាសជុំវិញខ្លួនយើង។ យើងឲ្យឈ្មោះថាប៉ូលបូក(+)ម៉ាស់ដីដែលមានផ្ទុកចរន្តប៉ូលដក(-)។ នៅពេលវាប៉ះគ្នាវាបានបង្កើតថាមពលមួយដ៏អស្ចារ្យ។
រន្ទះបាញ់ក៏កើតចេញពីបាតុភូតនេះដែរ។
មានជាងស្រុកខ្មែរភាគច្រើនមិនចូលចិត្តប្រើ ឬភ្លេចគិតដល់ផលប្រយោជន៏របស់វានៅឡើយ។
ផលកើតចេញពីអគ្កិសនីអាកាសអាច ”បំផ្លាញ” IC CMOS និងគ្រឿងអេឡិចត្រូនិចផ្សេងទៀត។
វាជាការ “សំខាន់បំផុត” សម្រាប់យើងប្រើក្នុងការជួសជុលទូរស័ព្ទចល័ត។
ហ្មត់ចត់ ប្រុងប្រយ័ត្ន ”ប្រើវាជាប្រចាំ”
ភាពមិនប្រយ័ត្នប្រយែង ដោយគិតថាវាមិនសំខាន់អាចជាមូលហេតុនាំឲ្យខាតបង់លុយកាក់និងក៏អាច
បំផ្លាញជីវិតគ្រឿងទាំងឡាយក្នុងទូរស័ព្ទផងដែរ។
វាទាមទាចាំបាច់បំផុតដែលជាងទូរស័ព្ទទាំឡាយត្រូវតែពាក់ជាប់កដៃជាមួយ Electrostatic Electricity នៅពេលយើងកាន់គ្រឿងឬ PCB ទូរស័ព្ទជួសជុល។ខ្ញុំធ្លាប់ឭជាងៗថា “គ្រាន់តែ’ដោះដូរខ្សែ ដូរអេក្រង់។ល។វាក៏បើកមិនចេញភ្លើងតែម្តងមិនបាច់គិតក៏អ្នកបច្ចេកទេសអាចដឹងពីមូលហេតុរួចទៅហើយ។
របៀបគ្រប់គ្រង(កាន់) IC CMOS និង គ្រឿងផ្សំអេឡិចតរូនិក(Electronic Components)
FET (Field Effect Transistors) និង IC ទាំងឡាយច្រើនផ្សំឡើងពីលោហដែលមានអុកស៊ីតកម្មដោយប្រើបច្ចេកវិទ្យា។ CMOS មកពីពាក្យថា Complementary Metal Oxide Semiconductor
ត្រង់ស៊ីស្ទ័រ CMOS និង IC ទាំងឡាយវានឹងខូចដោយសា ELECTROSTATIC ELECTRICITY
Electrostatic Electricity មិនល្អទេសម្រាប់នៅតំបន់ស្ងួតនិងនៅកន្លែងដែលគ្រមដោយសារធាតុនីឡុង(Nylon)
នៅពេលយើទិញ ត្រង់ស៊ីស្ទ័រCMOS, ICs…គេតែងដាក់គ្រឿងនោះក្នុងកញ្ចប់ពិសេសដែលមានលក្ខណការពារទប់ទល់បិយាកាសមិនល្អខាងក្រៅឬការពាជើងគ្រឿងនោះវៀចឆ្លងគ្នាអាចនាំឲ្យខូច។
ប្រដាប់ដាក់ IC ត្រូវតែមានទំរមានលំនឹង។
ជានិច្ចជាកាលត្រូវតែទុក IC ក្នុងកញ្ចប់ដែលមានប្រដាប់ការពាររហូតដល់ពេលយើងត្រូវការប្រើវា។
អង្គុយចុះ, គួរនៅកន្លែងដែលខាងក្រោមមិនមានសារធាតុអ៊ីសូឡង់រួចភ្ជាប់ដៃរបស់យើងជាមួយម៉ាស់ដី។ ធ្វើដូចនេះវាជួយបញ្ចុះថាមពលចរន្តដែលមានផ្ទុកក្នុងខ្ឡួនរបស់យើង។បន្ទាប់នេះយើងអាចចាប់កាន់ IC បានហើយ។
!!!!!ហាមយកដៃចុចលើជើងរបស់វា!!!!!
ដាក់ IC ឲ្យត្រូវទិសដៅនិងមិនឲ្យជើងរបស់វាកោងឡើយ

សំគាល់ចុងក្រោយ: ត្រូវកត់សំគាល់ថាគ្រោះថ្នាក់និងការខូចខាត អាចបណ្តាលមកពីយើងកាន់ទូរស័ព្ទដោយផ្ទាល់នៅពេលដែលខ្លួនយើងកំពុងផ្ទុកចរន្តជាមួយ STATIC ELECTRICITY!

អក្សរកាត់ដែលទាក់ទងជាមួយប្រព័ន្ធទូរស័ព្ទ

សម្រាប់អ្នកដែលត្រូវការវាប៉ុណ្ណោះ
IMSI = International Mobile Subscriber Identity
MCC = Mobile country code
MNC = Mobile Network Code
MSIN = Mobile Subscriber Identification Number
PLMN = Public Land Mobile Network
MSC = Mobile Switching Centre
VLR = Visitor Location Register
HLR = Home Location Register
LAI = Location Area Identity
BSC = Base Station Controller
NSS = Network Subsystem
PAGCH = Paging Channel
AuC = AuthenticationCenter
SRES = signed response
BTS = Base Transceiver Station
MS = Mobile Station
TDMA = Time division multiple access
RLP = Radio Link Protocol
IWU = Inter Working Unit
FSK = Frequency Shift Keys
LAPD = link access procedure D-channel
SABM =Set Asynchronous Balanced Mode
UA = Use Air Interface
SCCP = Signalling Connection Control Part
GPS = Global Positioning System
COO = Cell Of Origin
>>>>>មានច្រើនទៀតទុកលើកក្រោយ>>>>>

គ្រឿងទាំងឡាយដែលតែងតែខូច-តើគ្រឿងដែលខូចនោះវាប៉ះពាល់អ្វីដល់ទូរស័ព្ទ

- តំណអង់តែន(Antenna Connectors)=បើខូចគ្មានសេវា ឬមានសេវាខ្សោយ។
- កុងតាក់អង់តែន(Antenna Switches)= បើខូចចេញ “searching Network” ឬមិនមានសេវាតែម្តង
- អង់តែនខាងក្រៅ(Antenna's External)= ~បើខូចនឹងខ្សោយសេវា ឬមិនអាចទទួលការហៅចូល
- អង់តែនខាងក្នុង(Antenna's Internal) ~បើខូចនឹងខ្សោយសេវា ឬមិនអាចទទួលការហៅចូល
- IC សម្លេង(Audio IC /COBBA ) ~មិនអាចទទួលការហៅចូល/ មានបញ្ហាសម្លេង/ ចេញContact Service
- សម្បកក្រោយ/ កណ្តាល(Back/Middle Housing)~បើខូចទូរស័ព្ទបិទខ្លួនវា/ មិនអាចទទួលការហៅចូល
- ជើងថ្ម(Battery Connectors)~បើមិនដិត ឬខូច, ស្នឹម ទូរស័ព្ទនឹងឆេះរលត់ ឬ បើកមិនចេញភ្លើងតែម្តង
- ប្លុកសាក(Charging Blocks)~បើខូចវាសាកថ្មខុសប្រក្រតី ឬ ចេញ “charging failure”
- IC ត្រួតពិនិត្យការសាក(Charging Control IC) ~ បើខូចវាសាកថ្មខុសប្រក្រតី ឬចេញ “charging failure”
- Clock Crystal ~ បើខូចម៉ោងដើរមិនត្រូវ
- CPU ~ បើខូចបើកអត់ចេញភ្លើង, អត់មានសេវា, មិនមានបង្ហាញចាមួយរូបលើអេក្រង់
- Crystals 13mhz / Crystals 26mhz ~ បើខូចបើកអត់ភ្លើង, ទទួលសេវាខ្សោយ
- Eeprom ~ បើខូចបើកអត់ភ្លើង, សេវាខ្សោយ/ គ្មានសេវា
- Elastama ~ បើខូចអេក្រង់ចេញព្រាលៗ, ឬអត់ចេញរូបតែម្តង
- Filter IF ទីមួយ/ Filter IFទីពីរ ~ បើមានណាមួយខូចវានឹងបើកមិនចេញភ្លើង, ឬទទួលសេវាខ្សោយ
- ខ្សែFlex(Flex Cables)~ បើខូចមិនមានបង្ហាញរូបលើអេក្រង់, និយាយស្តាប់គ្នាមិនឭ, មិនបង្ហាញពេល
- ស្នាប់ខាងក្នុង ( Inner Connectors) ~ បើខូចមិនមានពន្លឺ, បើកអត់ចេញភ្លើង, មិនមានសម្លេង
- កលាប៊ុយតុងចុចក្រោមគ្រប់លេខ(Keypad Membranes) ~បើខូចពេលចុចវាដំណើរកាមិនត្រឹមត្រូវ។
- ប៊ុយតុងចុចគ្រប់លេខ(KeyPads )~ បើវាខូចចុចទៅគាំងៗ, ឬចុចមិនដំណើរការ
- អេក្រង់បង្ហាញ(LCD Displays) ~អាចខូចដូចជា ចេញបន្ទាត់ៗ, ចេញឆ្កូតៗ, ចេញរូបឆេះៗ, ព្រាលៗ…
- មិក(Microphones )~បើខូចភាគីម្ខាងទៀតស្តាប់អត់ឭយើងនិយាយ
- IC ប្រេកង់កណ្តាល(Middle Freq IC) ~បើខូចមិន ឬទទួលសេវាខ្សោយ
- អាំភ្លីអនុភាព (Power Amplifier) ~បើខូបគ្មានសេវា, ទូរស័ព្ទរលត់, ហៅមិនចេញ
- IC ត្រួតពិនិត្យថាមពលចរន្ត( Power Control IC) ~បើខូចទូរស័ព្ទបើកមិនចេញភ្លើងតែម្តង
- IC ផ្តល់ចរន្ត(Power Suppy IC) ~បើខូចបើកមិនចេញ, ចេញ “sim card rejection”
- កុងតាក់(Power Switches) ~បើវាខូច ទូរស័ព្ទមិនអាចបើកភ្លើង
- RF Signal Processor ~បើខូចមិនមានសេវា, អាចប៉ះពាល់ដល់ប្រភពចរន្តផ្តល់ឲ្យវាដែរ
- កន្តឹងរោទិ៏(Ringers) ~បើខូចនឹងមិនមានសម្លេងរោទិ៏ ឬសម្លេងរោទិ៏ខ្សោយ
- RX/TX Signal Processor ~ បើខូចមិនមានសេវា ឬសេវាខ្សោយ
- ប្រដាប់ទប់SIM(SIM Holders)~ បើខូចពេលដាក់ស៊ីមចូលចេញ “insert SIM” ឬ “incorrect PIN code”
- ជើង SIM(SIM Readers) ~ បើខូចពេលដាក់ស៊ីមចូលចេញ “insert SIM” ឬ “incorrect PIN code”
- ប្រព័ន្ធឌុយខាងក្រៅ(System Connctors) ~ បើខូចទូរស័ព្ទនឹងមិនសាក
- VCO ~បើខូចបើកមិនចេញភ្លើងឬមិនមានចរន្តបញ្ជូនទៅ RF
- ដុំញ័រ(Vibrators) ~ បើខូចទូរស័ព្ទនឹងមិនញ័រនៅពេលយើងបើក “Vibrators ON”
- ប៊ុយតុងបើកសម្លេង, (Volume Switches) ~បើខូចទូរស័ព្ទអាចមិន តម្លើង ឬ បញ្ចុះសម្លេង
- ថ្ម(Battery) ~ បើខូចទូរស័ព្ទមិនអាចបើកភ្លើង






*** PA= Power Amplifier(អាំភ្លីអនុភាព): តើវាធ្វើការអ្វីខ្លះ? ហេតុអ្វីគេប្រើវានៅទិនោះ? ***
PA បើវាខូចនឹង:
• បណ្តាញចរន្ត(Drains power)មានបញ្ហា
•ចេញសេវា១០វិនាទីបាត់ទៅវិញ
•ទូរស័ព្ទមិនចេញភ្លើង, ចរន្តបូក(+) និង ដក(-)ឆ្លងចូលគ្នា
•មិនមានសេវា(No signal)
•ហៅមិនចេញ(No transmitting)
•ទូរស័ព្ទរលត់ពេលហៅចេញ
•បាត់ប្រេកង់(Band) ណាមួយ 900/1800MHz
•ទូរស័ព្ទរលត់វិញនៅពេលវាឡើងសេវា

តើគេប្តូរ PA ចេញយ៉ាងម៉េច?
•ដាក់ Flux ឬ ជ័រស្រល់តិចៗជុំវិញ PA
•ផ្លុំកំដៅជាមួយម៉ាស៊ីនផ្លុំ(Hot air station)រហូតសំណជុំវិញវារលាយ(សំណនឹងចេញពន្លឺរលោង)
•យកត្របៀត(tweezer) លើកវាឡើង, ត្រូវប្រយ័ត្នប្រយែងមិនត្រូវឲ្យប៉ះពាល់គ្រឿងផ្សេងទៀតជុំវិញវា
•លាង សម្អាតជើងលើបត(Clean the contacts)
•ដាក់ PA ថ្មីចូល, ផ្លុំកំដៅជាមួយម៉ាស៊ីនផ្លុំ(Hot air station)រហូតសំណជុំវិញវារលាយម្តងទៀត
•ឬផ្សារវាចូលជាមួយក្បាលមាន់ដែលមានគុណភាព
•បើមានព៌តមានពី PA សូមជួយបន្ថែមគ្នា ,,,

វាចាខ្ញុំ
មានពាក្យខ្មែរខ្លះពិបាកយកមកប្រើនៅទីនេះដូចជា
ជនិតា ប៉ូលតង់ស្យុងជាដើម។ដូចនេះខ្ញុំព្យាយាមប្រើពាក្យសមញ្ញដែលតែងឭជាងៗនិយមប្រើ
ហើយបើចង់យល់ពាក្យទាំងអស់ឲ្យបានច្បាស់សូមបើកមើលឡើងវិញសៀភៅ រូបវិទ្យាថ្នាក់
ទី៥-៦-៧-៨-៩-១០-១១-១២ នោះវាអាចជួយឲ្យយើងយល់បានច្រើន
សង្ឃឹមថាអ្នកអានអធ្យាស្រ័យ

ស្វែងរកពួកម៉ាកក្នុងរូបនេះក្រែងមានអ្នកស្គាល់

នេះជារូបថតជាមួយពួកម៉ាកដែលបានទៅរៀនភាសាជាមួយគ្មានៅស្ធានទូតអាលើលឺម៉ង់
កាលពីឆ្នាំ១៩៩៣ដែលមានអគ្គរដ្ឋទូតជាអ្នកបង្រៀន។​ឥឡូវមិនដឹងដល់ណាអស់ហើយ។
គិតថាអាចនឹងមានអ្នកស្គាល់។

ស្វែងយល់ បន្ត

- អង់តែនក៏អាចខូចត្រូវតែប្តូរវាចេញ
- ការខូចផ្នែកខាងក្នុងរួមាន-ទូរស័ព្ទធ្លាក់/ មានសំណើម/ ទូរស័ព្ទចូលទឹកអាចខូចដល់ គ្រឿង ជួនកាលគ្រាន់តែលាងទឹករួចផ្លុំសម្ងួតបត(Board)វានឹងដំណើរការវិញ។
- អង់តែនខូចត្រូវឆែកមើលចំណុចដំណរតើដិតល្អឬអត់
- កុងតាក់អង់តែន(Antennae Switch)តែងខូចដូចជាហើបជើងផ្លុំកំដៅឲ្យដិតឡើងវិញឬប្តូរវាចេញបើវាខូច។
- អាំភ្លីអនុភាព(Power Amplifier) បើវាហើបជើងផ្លុំកំដៅឡើងវិញ ឬបើខូចប្តូរវាចេញ។
- DSP / HAGAR បើវាហើបជើងផ្លុំកំដៅឡើងវិញ ឬបើខូចប្តូរវាចេញ។
- CPU បើវាហើបជើងផ្លុំកំដៅឡើងវិញ ឬបើខូចប្តូរវាចេញ។
- ប្រូក្រាមមានបញ្ហា (Software Failure) Upgrade / Flash វាឡើងវិញ។


ម៉ាស៊ីនផ្លុំ(Hot Air Station ):- យើងត្រូវការវាដើម្បីដាក់ចូលឬដោះចេញ គ្រឿងបន្លាស់ផ្សេងៗដែលមានប្រើក្នុងទូរស័ព្ទ។ ឧ.: រាល់គ្រឿបន្លាស់តូចធំ ដូចជា SMD រ៉េស៊ីស្តង់/ កុងដង់/ យ៉ូដនិង BGA ICs ទាំងអស់។
កែវពង្រីកក៏ជាឧបករណ៏គួរមានផងដែរ។


ក្នុងការប្តូរគ្រឿងបន្លាស់អ្នកត្រូវដឹងពីមុខងាររបស់គ្រឿងនោះវាធ្វើការអ្វី។
ឧទាហរណ៏ Nokia 3310, IC
- HAGAR ទទួលខុសត្រូវផ្នែកសេវា។
- COBBA សម្រាប់ផ្នែក មិក អូប៉ាឡ័រ Contact Service និងជួនកាលវាក៏ជាផ្នែកមួយនៃសេវាដែរ។
- CCONT បើវាខូចបើកមិនចញភ្លើង, ចេញ Insert SIM
- CPU បើវាខូចបើកមិនចញភ្លើង,
- IC សាក បើវាខូចវានឹងមិនសាក
- FLASH និង RAM សម្រាប់ផ្ទុកប្រូក្រាម បើវាខូចអាចបើកមិនចេញឬចេញអាការផ្សេងទៀត។


(ធ្វើតេស្តលើគ្រឿងដែលមានរ៉េស៊ីស្តង់ទាប)
- មិក(MIC) ពេលវាស់ វាបង្ហាញដូចជារ៉េស៊ីស្តង់មួយ
- អូប៉ាឡ័រ(SPEAKER) និងកន្តឹងរោទិ៏(RINGER) វាជារ៉េស៊ីស្តង់ដែលបង្កើតសំលេង(INDUCTANCE) ពេលដែលយើងយកប្រដាប់វាស់ចុចលើខ្សែវាសងខាង យើងអាចឭសម្លេងរបស់វា ក្រត! ក្រត! ។
- ដុំញ័រ(VIBRATOR) វាវិលបង្កើតរំញ័រ
- IC កុងតាក់អង់តែន(ANTANNA SWITCH IC ) បើវាខូចមិនមានសេវាទាល់តែសោះ។ ត្រូវប្តូរវាចេញ។
- IC PA: ចេញសេវា (IF NETWORK) មានសេវាបានបន្តិចក៏បាត់ទៅវិញ នៅពេលអំពូលពន្លឺអេក្រង់រលត់។បើវាបាត់សេវាមុនពេលអំពូលពន្លឺអេក្រង់រលត់ ត្រូវផ្លុំកំដៅ ឬ ប្តូរ IC COBBA ។.

ជួនកាល យើងពីបាកវាយតំលែថាវាមានបញ្ហាលើគ្រឿង(HARD) ឬក៏លើប្រូក្រាម(SOFT) ណាស់។

- ឆ្នាំសាកខូចឬអត់ត្រូវយកប្រដាប់វាស់ Multimeter វាស់, បើមិនមានចរន្តចេញគឺវាខូច។ ជួនកាលវាអាចដាច់ខ្សែត្រង់ចំណុចណាមួយក៏មាន។បើមិនអាចជួសជុល ប្តូរវាចេញ។
- ប្រព័ន្ធតំនរ(Systems Connector) / មានសំណើម/ ហើបជើងផ្សា ត្រូវលាងសម្អាតផ្សាឡើងវិញ។
- ជើងថ្មមិនដិតឬមានស្នឹមត្រូវកោសសម្អាតឬប្តូរវាចេញ។
- ហ្វ៊ុយស៊ីបដាច់ ប្រើប្រដាប់វាស់(Multimeter)ឆែកមើលបើដាច់ប្តូរវាចេញ។
- CHAPS ស្នាប់ហើបជើង​ / ជើងមានស្នឹម លាងផ្លុំកំដៅតេស្តសាកមើល បើមិនដើរប្តូរចេញ។


រង់ចាំអាន:

***គ្រឿងទាំងឡាយដែលតែងតែខូច***
***បើគ្រឿងនោះខូចតើវាប៉ះពាល់អ្វីដល់ទូរស័ព្ទ***
***គ្រឿងណាខូចយើងត្រូវតែប្តូរវាចេញ***

ចង់ដឹងជាងជួសជុលទូរស័ព្ទត្រូវការរបស់អ្វី-ត្រូវធ្វើអ្វីខ្លះ

-តើឧបករណ៏ណាខ្លះដែលគួរតែមានសម្រាប់ជួសជុលទូរស័ព្ទ
-តើត្រូវមាន ម៉ាស៊ីនផ្លុំ ក្បាលមាន់សម្រាប់ផ្សា ប្រអប់បុកប្រូក្រាម ប្រដាប់ប្រដាផ្សេងៗមែនទេ?
-ធ្វើដូចម្តេចទើបដឹងថាគ្រឿងណាមួយត្រូវប្តូរ នៅពេលណា? ហេតុអ្វី?
-តើតេស្ត PA ដូចម្តេច? និង ហេតុអ្វីបានជាយើងត្រូវប្តូរវាចេញ?
-តើតេស្តកុងតាក់អង់តែន (antenna switch) របៀបណា ?
-តើតេស្ត មិក(MIC) អូប៉ាល័រ កន្តឹងរោទិ៏ និង ដុំញ័រ របៀបណា?
-តើតេស្ត Hagar, CCont, Cobba, UEM, CPU, Flash… ដូចម្តេចនិងនៅពេលណាទើបប្តូរវាចេញ?
-ធ្វើដូចម្តេចទើបដឹងថា វាខូចប្រូក្រាម(Software) និង ខូចគ្រឿង(Hardware)?

***តើឧបករណ៏ណាខ្លះដែលគួរតែមាន***
-សម្រាប់អ្នករៀនជួសជុលដំបូង: ម៉ាស៊ីនផ្លុំ ម៉ាស៊ីនលាង ម៉ាស៊ីនផ្សា ប្រអប់បុកប្រូក្រាម
-ឧបករណ៏ស្វែងរកកំខូច: Spectrum Analyzer, Ocilloscope, RF Generators...
-តើមានអ្វីខ្លះទៀតទេ? ហើយហេតុអ្វីគេត្រូវការវា?
-ធ្វើយ៉ាងម៉េចទើបដឹងថាគ្រឿងណាមួយត្រូវប្តូរវាចេញ ហេតុអ្វី? ហើយប្តូរយ៉ាងដូចម្តេច?
-សេវា= គ្មានសេវា, សេវាខ្សោយ, សេវាមានបាត់, មានសេវា១០វិនាទីបាត់ទៅវិញ
-ទូរស័ព្ទរលត់= បើកមិនចេញ, ថ្មមិនមានភ្លើង
-ម៉ាស៊ីនចូលទឹកឬវត្ថុរាវផ្សេងៗ= តើគួរចាប់ផ្តើមធ្វើពីណាទៅមុន
-ផ្នែកប្រូក្រាម(Software)= ពេលណាទើបដឹងថាទូរស័ព្ទមានបញ្ហា software ហើយយើងត្រូវជួសជុលវាដូចម្តេច?
-អូប៉ាល័រ កណ្តឹងរោទិ៏ ដុំញ័រ មិក(mic) = គេធ្វើតេស្តវាតាមរបឿបណា?
-ស៊ីម(Simcard)= តើអ្វើតេស្តវាតាមរបឿបណា?
-ប៊ុយតុងចុច(keypads)= បើវាមិនដំណើរការតើមានដំណោះស្រាយយ៉ាងណា?

រង់ចាំអានចម្លើយឆាប់ៗនេះ!
តែបើមានអ្នកឆ្លើយបានសូមផ្ញើរសាមកកាន់
kvsservice@gmail.com

ពន្យល់ពាក្យ ចេះឯងឲ្យក្រែងចេះគេ

ចេះឯងឲ្យក្រែងចេះគេ =បើឯងចេះកុំអួតអាងពេកព្រោះមានគេចេះដូចឯងឬលើសឯងទៅទៀត

ចេះឯងក្រែងចេះគេ =បើឯងចេះលាក់ទុកទៅកុំឲ្យគេដឹងក្រែងគេចេះពីយើងដែរ(គេអត់ទាន់ចេះ)

ចេះឯងឲ្យចេះគេ =បើឯងចេះត្រូវប្រាប់ឲ្យគេចេះដែរ

ចេះឯងចេះគេ =ឯងចេះ គេក៏ចេះ